Свята малака «Малочныя рэкі» у аг. Крывічы прымеркавана да Сусветнага дня малака (World Milk Day), які традыцыйна святкуецца 1 чэрвеня. Усе жадаючыя змогуць паспрабаваць сыр, хатні ёгурт, напой на сыроватцы і найсмачнейшую выпечку з тварагу на дэгустацыйнай пляцоўцы малочных прадуктаў, наведаць фотавыставу «Спазнай мяне, гаспадыня», кніжную выставу пра хатніх жывёл. На мерапрыемстве пройдзе ўшанаванне лепшых гаспадароў па здачы малака ў намінацыях: «найбольшая колькасць здадзеных літраў малака», «самая высокая тлустасць малака», «самы высокі надой на адну карову», пераможцы будуць адзначаны дыпломамі і грашовымі прэміямі.
Для дзяцей працуе гульнёвая пляцоўка, дзе можна паскакаць на надзіманых горках, паўдзельнічаць у конкурсе малюнкаў, сфатаграфавацца на фоне «трактара-сцэны» і з роставымі лялькамі - каровамі.
Свята скончыцца вясёлымі песнямі і танцамі.
просмотров: 401
комментариев: 0
